Phil. Star, PSNgayon wagi sa NPC

MANILA, Philippines - Nakopo ng team ng Philippine Star ang Open ca­tegory habang ang sister publication nito na team na Pilipino Star Ngayon (PSN) ang nagwagi sa Media category sa katatapos na 4th President Cup, Media Invitational Badminton Tournament ng National Press Club (NPC) na gina­nap sa PSC Badminton Court sa Vito Cruz, Maynila kahapon.

Sa kabila ng malakas na pag-ulan ay hindi ito na­­ging had­lang sa mga badminton player at orga­nizer para hindi ituloy ang palaro ng NPC na na­ging matagumpay naman at masaya ang lahat ng suma­li sa liga.

Ang team ng Manila Bulletin ang siyang tinanghal na 1st runner-up, Manila Times team ay 2nd run­ner-up habang 3rd run­ner-up naman ang Pang Masa (PM) team.

Bukod sa trophy ay tumanggap din ng mga cash prices mula kay NPC President Benny Antiporda ang mga nanalo sa liga.

Ayon kay NPC President at NPC Dir. Tina Ma­ralit na siya ring sports committee ng NPC, ang susunod nilang paliga ay basketball kaya hinihikayat ang lahat ng Presscor sa Metro Manila at probinsiya na sumali sa su­sunod na palaro.