Latest iPhones para sa Nagoya Asiad medalists

MANILA, Philippines — Binigyan ng Philippine Olympic Committee (POC) ng pinakabagong iPhone 18 models ang mga national athletes na nag-uwi ng medalya sa nakaraang 20th Asian Games sa Aichi-Nagoya, Japan.

Ginawa ito kahapon ng POC sa kanilang ikaapat na General Assembly ngayong taon.

Pinasalamatan ni POC President Abraham “Bambol” Tolentino ang SportsPlus para sa pagbibigay ng 49 sa 53 iPhones 18 512gbs — tatlong iPhone Duo para sa tatlong gold medalists, 11 iPhone Pro Max para sa mga silver winners at 35 iPhone Pro para sa mga bronze medalists.

“All the athletes that won a medal here are so happy to get a new iPhone 18 model through the help of SportsPlus, and we are all thankful for their generosity,” wika ni Tolentino. “That is a total of P7 million because even all members of team sports that won a medal have an iPhone each.”

Humakot ang Philippine delegation ng kabuuang 29 medals — dalawang golds mula kay Paris Olympics double gold medalist Carlos Yulo sa gymnastics at tig-isa kina pole vaulter EJ Obiena at taekwondo jin Jeus Yape, at siyam na silvers at 16 bronzes sa Nagoya.

Si Yulo at kapatid na si Karl Eldrew ay nasa World Artistic Gymnastics Championships sa The Netherlands, habang nagbalik sa ensayo si Obiena sa Athens at lumalaban si Alex Eala sa WTA500 Ningbo Open sa China, ay mayroon ding iPhones.

Ang tatlong gold medalists ay tatanggap din ng tig-P2 million cash incentives mula sa Philippine Sports Commission (PSC).

Ang siyam na silver winners ay bibigyan ng tig-P1 million, habang ang mga bronze medalists ay magbubulsa ng tig-P400,000 each.

Samantala, binigyan ng POC Genaral Assembly ng regular membership ang Pilipinas Climbing, Philippine Kabaddi Federation at Philippine Mixed Martial Arts Federation.