Lassiter papunta sa Petron Blaze kapalit nina Baclao, Guevarra?

MANILA, Philippines - Matapos mabigyan ng ma­­gandang laban ang nag­­­dedepensang Talk ‘N Text sa nakaraang 2011-2012 PBA Philippine Cup Fi­nals, tila nahaharap sa mas mabigat na pagsubok ang Po­werade.

Ikinabigla kahapon ni Best Player of the Confe­rence awardee Gary David ang balitang dadalhin ng Tigers si Fil-Am rookie Marcio Lassiter sa Petron Blaze Boosters upang makuha si­na 2010 No.1 overall pick Nonoy Baclao at Rey Gue­varra.

“This is UNFAIR!! No idea what’s happening to the team,” protesta ni David na idinaan niya sa kanyang Twitter account.

 Ang pagdadala ng Po­werade sa Petron Blaze ay sinasabing unang hakbang para sa muling pagbili ng San Miguel Corporation sa Coca-Cola Bottlers Inc.

Idinaan ng isang mi­yembro ng PBA Board of Governors sa text ang kan­yang nararamdaman sa pagbili ng SMC sa Po­werade franchise.  

“I will be respectfully writing a letter within the next few days to request for an emergency meeting gi­ven the disturbing deve­lopments as written in the media,” wika ng Governor.

Ibinunyag ng isang SMC official na ang bendis­yon na lamang ni PBA Com­­missioner Chito Salud ang kailangan para matuloy ang nasabing trade.

Ang 6-foot-2 na si Lassiter ay nagtala ng mga ave­rages na 16.9 points, 6.0 rebounds, 3.9 assists at 1.4 steals para sa Tigers sa na­karaang conference.

Sina David at Lassiter ang naging sandigan ng Po­werade para makara­ting sa finals laban sa Talk ‘N Text na tumalo sa kanila, 4-1, sa serye.