Sparmate ni Pacquiao gitikasan

Misyagit og panikas ang kampo sa sparring partner ni Pacquiao gna si Raymund Beltran kinsa napilde pinaagi sa kontrobersyal nga decision batok ni Luis Ramos Jr.

Sikit ang away, apan nakita nga labaw gihapon sa away si Beltran, apan nakugang sila dihang ang boksidor sa Golden Boy Promotions (GBP) nga si Ramos ang gisangyaw nga maoy midaog.

Petron Blaze mibawos

Gitabla sa sa Petron Blaze Boosters ang serye, 1-1, dihang ilang gibawsan ang Talk N’ Text Tropang Texters, 91-89 sa Game-2 sa ilang ‘best-of-seven’ semis series sa PBA Philippine Cup.

Ang krusyal nga jumper ni 2-time MVP Danny Ildefonso sa katapusang 20 segundos maoy mipadaog sa Petron Blaze.

WBA mimando og rematch

Gimandoan sa World Boxing Council ang kampo ni light heavyweight champion Lamont Peterson nga makigrematch sa labing daling panahon ngadto ni kanhi British champion Amir Khan.

Si Khan gihubuan sa bakus ni Peterson atol sa ilang sangka niadtong Disyembre 10 didto sa Washington pinaagi sa usa ka kontrobersiyal nga majority decision.

Azkals gileksiyon sa CFI Madrid

Wa ka porma ang Philippine Azkals dihang gilubong sila sa sikat nga Spanish football club nga CFI Madrid, 3-1, niadtong Sabado didto sa Rizal Memorial Football Stadium.

Atubangan sa 8,000 ka mga Pinoy football fans, gikuninitan sa CFI Madrid ang Azkals.