Balanseng labanan para sa Season 8 ng Shakey's V-League

MANILA, Philippines -  Mas balanseng kompetisyon ang matutungha­yan sa ikawalong season ng Shakey’s V-League na mag­bubukas na sa Linggo sa The Arena sa San Juan City.

Sa pagdalo ng mga pa­ngunahing opisyal sa PSA Forum sa Shakey’s UN Avenue kahapon, ibinalita ni Sports Vision head Mauricio “Moying” Martelino ang ginawang pagbabago sa pagkuha ng mga guest players na tutulong sa kampanya ng 10 koponang mag­lalaban-laban.

Hindi tulad noong nakaraang taon na dalawang guest players lamang ang puwedeng kunin ng bawat koponan, maaari nang humugot ng tatlong guest players pero ang mga ito ay dapat nag-aral sa nagdaang semester sa paaralan o unibersidad sa ban­sa.

“Ngayon ay makakapili ang mga teams kung ano ang kanilang gustong gawin. Puwede silang kumuha ng isang foreign at lo­cal guest players o tatlong guest players basta nag-enrol sila sa kahit saang unibersidad sa bansa,” wi­ka ni Martelino.

Nakasama sa pagpupulong si Ricky Palou at mga Shakey’s officials na si GM Vic Gregorio at marketing manager Barbie Ocampo.

“Patuloy kaming sumu­suporta sa V-League at la­lawig pa ito sa mga da­rating pang taon dahil ma­ganda ang feedback na na­kukuha namin sa a­ming mga consumers. Nais naming makahanap ta­laga ng sports na maaring idi­kit ang aming brand at sa V-League namin ito nakita,” wi­ka ni Gregorio.

Dahil sa popularidad at magandang tugon ay mi­nabuti na rin ng pizza chain store na sumuporta sa girls volleyball summer camp na nagsimula noong Mar­so 26 at magtatapos sa Abril 2 sa Ateneo Blue Eagles Gym.

Ang Adamson University ay magbabalik kasama ang San Sebastian, Ateneo, Lyceum, FEU, National University, St. Benilde at Perpetual Help. Sasamahan sila ng mga koponan sa Visayas na La Salle Bacolod at Southwestern University.

Ang Lady Falcons ang nagreyna sa nakaraang torneo.