Yellow misakmit sa titulo sa Sunday Club cagefest

CEBU, Philippines - Nakaipsot ang Yellow team sa kulbahinam nga duwa batok sa Violet bitbit ang 87-84 nga kadaugan aron pagsakmit sa korona sa Phase 3 Camella Homes Sunday Club basketball tournament niadtong Domingo didto sa Villas Magallanes gym sa Lapu-Lapu City.

Ang trayanggulo nilang Rolly dela Pieza, Bebot Pleños ug Dodong dela Pieza maoy migiya sa Yellow parehong mirehistro og double figures.

Si Rolly dela Pieza wala kapugngi sa maong duwa ug maoy   topscorer sa Yellow pinaagi sa iyang 15 puntos, gisundan ni Pleños nga adunay 13 puntos, samtang si Dodong dela Pieza mitimang og 12 puntos.

Milabaw og singko puntos ang Yellow sa unang kuwarter, 19-14, apan mibawos ang Violet sa second quarter aron pahakan ang labaw ngadto sa tres puntos, 61-58 sa halftime.

Sa pagpangulo ni Rolly dela Pieza nga nagpatuyang lang og pamuntos, miburot ang labaw sa Yellow. Hinuon dali sab kaayo nakapatuman og hugot nga depensa ang Violet hinungdan nga wala kaayo kini makalubong nila og maayo.

Ang tulo ka free throws ni Dodong Aparente maoy miselyo sa kadaugan sa Yellow.

Sa gihapon, si Allan Sepe mao ang nangulo sa pilderong Yellow sa pinaagi sa iyang 23 puntos, gisundan ni Amay Palad sa iyang 19 puntos. (BANATSPORTS)

========

COMPLETE