Bulls, Sharks itatakda ang finals sa BP

MANILA, Philippines - Okupahan ang puwes­to sa championship round ang balak gawin ngayon ng walang talong Batangas Bulls at ng nagdedepensang kampeon na Manila Sharks sa paglarga ng Dun­kin’ Donuts Baseball Phi­lippines Series VII nga­yon sa Felino Marcelino Me­morial Baseball Field

Kalaban ng Bulls ang Ala­bang sa unang laro ga­nap na alas-9 ng umaga bago sumunod ang Sharks na suportado ng Harbour Centre na makikipagtuos sa Cebu dakong ala-1 ng ha­pon.

Tinapos ng Bulls ang eliminasyon sa 5-0 karta habang 4-1 naman ang Sharks kung kaya’t ang da­lawa ay magtatangan ng twice-to-beat advantage sa Tigers at Dolphins na nagsalo sa 2-3 baraha.

Paborito ang Bulls at Sharks sa kalaban dahil sa angking lalim ng manlalaro mula sa hitters at pitchers.

Ngunit hindi naman ito garantiya na bibigay na la­mang ang Alabang at Cebu lalo nga ang huli na nagbabaka-sakali pa ring maging palaban sa asam na ikatlong titulo sa ligang inorganisa ng Community Sports Inc.