^

PSN Palaro

May rose na, may candy pa

- Ni GGM -

CEBU, Philippines - Gawas pa sa iyang dakong sweldo, nagbunga sab ang pagka-mahiligon ni Derrick Rose sa Chicago Bulls, ang usa ka NBA player sama kaniya adunay talagsaong matang sa butang nga iyang magustohan o hilig sama pananglit sa cake, pahumot nga susama’g baho sa perfume sa iyang asawa, sapatos nga gimarkahan og ngalan sa player ug uban pang mga ginagmay’ng butang.

Apan ang gagmay’ng mga butang mahimong makakuha’g atensiyon ilabi na kung makapahimuot kini o makalipay sa hingtungdan.

Sama pananglit sa kasinatian ni Rose kinsa nagpakita sa iyang pagka-mahiligon og “candy” ilabi ang brand nga Skittles.

Sayo ning buwana, ang Wrigley (tagbuhat sa Skittles) mipalit og Skittles vending machine alang kang Rose ug nanumpa nga ila kining butangan og daghang stock o sulod nga dili niya mahurot sulod sa tulo ka tuig.

Nakuha ni Rose ang makina ug ang mga Skittles candy nga libre nga makapasamot unya sa iyang pagka-mahiligon sa Skittles brand ug segurong mosaka ang blood sugar sa sikat nga point guard sa Bulls. (GGM)

Nakuratan ang may gibana-banang 5,000 ka basketball fans didto sa Athens Olympic Arena samtang nagtan-aw sa mga players gikan saduha ka habig nga nagsinukliay ug kinumo ug mga patid sulod sa korte hangtod na didto padulong sa agianan sa ilang dressing rooms.

May duha ngadto sa tulo ka fans nga nakit-an nga miambit sa maong away apan dali kaayong giguroy padulong sa gawas sa arena.

Nagsugod ang away dihang ang forward sa Greece nga si Antonis Fotsis mihulga sa Serbian guard nga si Milos Teodosic human ang nauwahi mi-foul kaniya.

Si Krstic kalit nga mibitad kang Fotsis gikan sa iyang liog ug nagkupot sa tutonlan ug milabay pa gyud og lingkoranan ngadto kang forward Sofoklis Schortsanitis kinsa gusto sab moatubang kaniya.

Hinoon, ang lingkoranan didto mo-igo kang Yannis Bouroussis, kinsa wala makaduwa tungod sa piang sa kamot hinungdan nga nagkadugo ang walang bahin sa ulo ni Bouroussis.

Ang duha ka teams na-uwang ra sab gihapon didto na gawas sa korte.

Si Prosecutor Costas Simitzoglou sa Greece, mipagawas kang Krstic samtang gi-imbestigar pa ang maong hitabo. Mga imbestigador gikan sa Greece’s sports violence squad maoy mosusi sa video footage sa maong duwa ug mokuha’g mga pamahayag gikan sa mga saksi sa dili pa sila mopagawas og desisyopn kung angayan bang ikiha si Krstic.

Si Krstic mibalik ra usab ngadto sa iyang hotel human siya gibuhian ug molarga na gikan sa Athens padulong sa Belgrade karong adlawa apan ang kinatibuk-ang Serbian team nag-una na’g pauli kay kaniya.

“I don’t know the rules, but I hope I won’t be punished,” matod pa ni Krstic ngadto sa Serbian media. “An (act of) stupidity was committed, and I hope they will not punish us. The Greeks started the brawl, there were no guards and the (Greek) fans entered the court, ” padayon pa ni Krstic.

Ang FIBA secretary general nga si Patrick Baumann nagkanayon nga ang international basketball federation mohimo’g kaugalingon nga imbestigasyon kalabot sa maong hitabo ug susihon ang nahimong kagubot.

Si Baumann mi-ingon “FIBA will take whatever steps are necessary against any individual player found to have been involved in this shocking incident.” “FIBA wishes to make it clear that it will not hesitate from taking the strongest possible action against any individual found to have brought the sport of basketball into disrepute.” (BANAT)

vuukle comment

ANTONIS FOTSIS

ATHENS OLYMPIC ARENA

CHICAGO BULLS

DERRICK ROSE

IYANG

KRSTIC

SI KRSTIC

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with