Tabuelog, Abatayo, Solon daog
CEBU, Philippines - Gidominar nila ni Giovannie Tabuelog sa Zipp Racing, Jerson Abatayo sa Kamigawa ug Eyoy Solon sa X-Racing ang tagsa-tagsa nila ka dibisyon sa 4th Sinulog Moped Bike Street Show diha sa Cebu Grand Hotel.
Ang Yamama Sniper ni Tabuelog maoy napiling best superstock bikes.
Naangkon sa Zipp ang una ug ikatulo nga dapit sa maong dibisyon diin ang teammate ni Tabuelog nga si Wendel Saavedra nalandig sa ikatulo.
Ang Suzuki Skydrive ni Arnel Balansag maoy miangkon sa ikaduha nga dapit.
Sa modified category, ang Crypton R ni Abatayo maoy nag-una, gisundan ni Joseph A. Cuberos sa Type-E's Mio Soul ug 3SR's Ruben Sasing sa iyang Fino.
Si Eyoy Solon sa X-Racing's Honda Sonic maoy midaog sa customized class.
Si Ruben Sasing maoy miangkon sa ikaduhang dapit, gisundan ni Resvic Aguilar sa Team Unique sa iyang Honda XRM. (BANATNEWS)
- Latest
- Trending