1st Founder's Basketball Cup buksan na karon

CEBU, Philippines - Andam na ang napulo ka mga koponan nga magpinaksitay sa pagbukas sa 1st Founder’s Basketball Cup tournament karong adlawa diha sa Brgy. Sambag 2, ning siyudad.

Usa ka parada ang mobukas sa torneyo ug sundan kini sa programa diin si Cebu City Vice Mayor Michael L. Rama ug Congressional aspirant sa north district nga si Cutie Del Mar mohatag og mensahe.

Mga koponan gikan sa Guadalupe Athletic Association (GAA), Ramos, Mambaling ug Cebu Basketball Friendship Association (CEBFA) ang magtigi alang sa titulo.

Ganting salapi ug tropeyo ang madawat sa nag-unang tulo ka mananaog.

Ang maong torneyo gipasiugdahan ni Bebot Ancot uban sa mga board members sa working committee nga sila Dodong Elizalde, Glenn Barina, Stephen Postero ug Edwin Gabulero. – BANAT NEWS