Pink midaog

CEBU, Philippines – Gisubhan dayon og daog ang Pink team dihang ilang gilubong ang Black Team sa 1st Inter-Color Holy Family Basketball Club (HFBC) League didto sa Wilfredo Cabalse Sports Complex sa barangay Mabolo, ning siyudad.

Si Philip Patricio miposa og 25 puntos, samtang si Mark Resma mitira og 18 puntos alang sa Pink team, kinsa miabante og 10 puntos sa halftime, 42-32. Si Norwin Resma miamot og 12 puntos, samtang sila si Allen Ortiz ug Ramie Peligro miamot og sayes puntos matag usa.

Ang naparot nga Black gipangulohan ni Glenn Jumao-as sa iyang 24 puntos, gisundan ni Arthur Flores nga adunay 17 puntos.

Ang maong torneyo gipasiugdahan nila ni Marvin Yap ug Ryan Militante uban sa suporta ni Hon. Brgy councilor Efren Sanico, kinsa mao sab ang Chairman sa Committee on Sports sa Barangay Mabolo.

Puntos Matag Usa

Pink (83) - Patricio 25, M. Resima 18, N.Resima 12, Ortiz 6, Pilegro 6, Ceniza 4, Lawas 4, De Leon 3, Cabasura 3, Romas 2

Black (69) – Jumao-as 24, Flores 17, Pastor 8, Dueñas 6, Gelbolingo 5, Cabadonga 5, Tigbao 3, Judilla 2 – BANAT NEWS