Rollyr Boyz, Heartfelt nagsawo sa liderato sa FYA

CEBU, Philippines - Midaog na sab ang Rollyr Boyz team ni team owner Punta Princesa barangay captain Rolly Diorico ug ang Heartfelt quintet aron saw-an ang liderato sa F. Llamas Youth Association (FYA) 1st Vice Mayor Mike Rama Cup didto sa Vicente Sotto Memorial Gym sa barangay Punta Princesa, ning dakbayan.

Ang Rollyr Boyz midaog batok sa Criminal Intelligence and Investigation Bureau (CIIB) sa iskor nga 107-102, samtang ang Heartfelt ni team owner Grace Magsalay milubong sa Park ‘N Go Bakeshop sa iskor nga 92-58.

Sila si Chissar Llegunas ug Dexter Caballero pulos mitusak og 26 puntos aron pangulohan ang Rollyr Boyz, kinsa nagtangag og 2-0 win-loss record.

Ang CIIB, kinsa misikop og 1-1 nga baraha, gipangulohan ni Frankie Capangpangan nga miburak og 35 puntos, samtang si Arnel Maglinte mipusil og 25 puntos.

Sa laing bahin, ang Heartfelt, kinsa mikulit sa ilang ikaduhang daog gipangulohan sab ni Dodong Cabigas pinaagi sa iyang 18 puntos, gisundan ni Junrey Arreglo nga miamot og 16 puntos. Samtang si Rama mao sab ang nangulo sa pilderong Park N' Go Bakeshop nga wala pa makahaling og daog sud sa duha ka duwa.

Ang FYA caging gipaluyohan sab ni brgy. captain Diorico, barangay councilor Ray Gabriel Salgado ug tournament chairman Boy Atillo.

Unang duwa:

Rollyr Boyz (107) - Caballero 26, Llegunas 26, Basalo 25, D. Enriquez 14, Dela Cerna 6, Marata 4, J. Enriquez 2, Paloma 2

CIIB (102) - Capangpangan 35, Maglinte 25, Veloso 15, Bugtai 15, Dignis 4, Adlawan 2, Plasus 2, Ybanez 2, Tita 2

Ikaduhang duwa:

Heartfelt (92) - Cabigas 18, Arreglo 16, Danding 12, Alob 11, Rama 6, Lumaquid 6, Basubas 6, N. Laborte 5, Pan 5, Bensing 4, Abella 2

Park ‘N Go (58) - Rama 18, Escalona 16, Camacho 16, Bas 6, Salinas 4, Caballero 4, Bucog 2. - Gabby G. Malagar (BANAT NEWS)