FYA 1st Mike Rama Cup sa Marso 29

CEBU, Philippines - Mikabat og 10 ka teams ang mikumpirmar nga mosalmot sa umaabot nga F. Lllamas Youth Association (FYA) 1st Mike Rama Cup nga gikatakda unya sa Marso 29 didto sa Vicente Sotto Memorial Gym sa barangay Punta Princesa, ning dakbayan.

Ang mipalista sa maong torneyo mao ang Orillaville, Granduer, Park ‘N Go Bakeshop, Jayra, Mazda, Heartfelt, Kuya Allan, CIIB, Aqua Serv ug ang team ni barangay captain Rolly Diorico.

Ang mga sakop sa FYA nagtigum bag-o lang matud pa sa usa ka opisyal sa grupo nga si Noel Medalle. Gikatakda na sab ang umaabot nilang tigum aron paghisgot sa mga lagda ug format sa maong torneyo. - Gabby G. Malagar (BANAT NEWS)