Grace Christian pinabagsak ng St. Stephen

Pinaganda ng St. Stephen High School ang labanan para sa ikalawang puwesto ng 39th Yakult Metro Manila Tiong Lian Basketball Association matapos na maungusan nito ang powerhouse Grace Christian College, 51-49.

Bagamat nakuha na ng Xavier School ang tanging automatic semifinals berth, mahalaga din ang ikalawang puwesto dahil sa magkakaroon ang second placer ng twice-to-beat advantage kontra sa last placer sa quarterfinal round ng torneong sinusuportahan ng PG Flex Linoleum at Outlast Batteries at ipinalalabas sa Makisig Network Sky Cable channel 76 at 82.

Nagbida para sa St. Stephen sa panalong iyon si Clyde Aparicio na nagtala ng 16 puntos at walong rebounds.

Ang quarterfinals ng 39th Yakult MMTLBA ay magsisimula sa Miyerkules, Pebrero 4.