Poblacion Oriental mipatikangkang sa Jugan

CEBU – Gipatikangkang sa Poblacion Oriental ug Lamac ang tagsa-tagsa nila ka kaatbang sa nagpadayong aksiyon sa 2008 Consolacion Fiesta Cup Inter-barangay Basketball League didto sa Consolacion Sports Complex.

Ang Poblacion Oriental miposte og 86-79 nga kadaugan batok sa Jugan, samtang ang Lamac mipulpog sa Pulpogan sa iskor nga 93-81.

Ang Lamac wala mohatag og diyutay'g kompiyansa ngadto sa Pulpogan human milansang og 12 puntos nga bentaha, 28-16 paghuman sa unang kuwarter. Ang bugtong nahimo ug konsuylo sa Pulpogan mao ang pagkitkit sa labaw diin kining napahakan ngadto na lang sa nuybe puntos sa iskor nga 46-55 sa first half.

Sa laing duwa, ang Pitogo nakaikyas gikan sa pagdagmal sa Tolotolo sa tibuok duwa dihang miposte kini og 92-90 nga kadaugan.

Ang maong torneyo nga usa sa mga kalihukan sa tinuig nga kapistahan sa maong lungsod karong Oktobre 29 gipasiugdahan ni Consolacion Vice Mayor Ember V. Alinsug ug ni Poblacion Oriental barangay councilor Pau Alelu Q. Flores, ang bitoon kanhi sa Far Eastern University (FEU) Tamaraws sa UAAP.

Unang duwa:

Pitogo (92) -- Borja 26, Legaspi 16, Ikid 14, Tibon 11, Pepito 9, Sapio 9, Mangubat 7

Tolotolo (90) - Judila 28, Moriles 26, Lunday 24, Moriles 4, Cabrera 4, Tapayan 2, Moriles 2

Ikaduhang duwa:

Lamac (93) -- Hatague 23, Omolon 20, Ylaya 14, Espinosa 11, Barebe 10, Demape 6, Torion 5, Biboy 4

Pulpogan (81) -- Rodriguez 23, Aying 19, Padilla 18, Nailon 12, Calo 7, Cabahug 2

Ikatulong duwa:

Poblacion Oriental (86) -- Valle 13, Cañete 12, Malagar 10, Gerunjo 10, La. Malagar 8, Lo. Malagar 8, E. Malagar 8, Orbeta 8, Semblante 4, Rodovia 4, Gerunjo 3

Jugan (79) -- Dahil 19, Pepito 16, Rivera 12, Dumadag 12, Villamor 10, Pilapil 10 – BANAT NEWS