Liquid Tile, Sun & Rain Bio-Fresh daog
CEBU – Gisugat og daog ang Liquid Tile, Sun & Rain ug Bio-Fresh sa pagsugod sa ilang kampanya sa kampiyonato sa Season 2 sa United Architects Basketball Club (UABC) nga giulohan og “Davies Cup” didto sa University of Southern Philippines Foundation (USPF) gym.
Ang Liquid Tile mihimo og makalisang nga pangatake sa fourth quarter aron pagpulbos sa Powerfloor, 69-64, samtang ang Sun & Rain ug Bio-Fresh wala kaayo maglisod pagpukan sa ilang managlahing kaatbang.
Ang Sun & Rain nimasaker sa Sportswriters Association of Cebu (SAC), 80-55, samtang ang Bio-Fresh milampurnas sab sa Megacryl, 57-46.
Si Elmer Laguna maoy nangu sa Liquid Tile sa iyang 16 puntos. Si Jay Ramodes miamot og 14 puntos uban ang siyam ka rebounds ug duha ka assists. – BANAT NEWS
- Latest
- Trending
