Namuhunan ng P20M ang Solar Sports para sa PBA coverage

Palagiang may pag-uusap ang Philippine Basketball Association at Solar Sports upang higit na mapaganda at mabigyan ng mga sorpresa ang televiewers sa telecast ng 34th PBA season opening sa Oktubre 4 sa Araneta Coliseum.

“It’s our very first telecast of a PBA game and we only want the best for the PBA televiewers,” wika ni Jude Turcuato, Solar Sports vice president for sales and marketing. “We’re familiarizing our men with our new equipment. They’d been trained in the US and they’re not stopping in practice to avoid or minimize errors,” aniya pa.

Sinabi ni Turcuato na namuhunan ang kompanya ng may P20 million para sa bagong kagamitan sa kanilang pagtatangkang maabot ang standard ng NBA. Ang isang typical game ngayon ay kokoberan ng anim hanggang pitong brand new Sony D55 digital cameras at dalawang ENG Panasonics P2s. Bumuli rin ng Harris G-series para sa kapabilidad na ipalabas ang pitong layers ng graphics sa screen tulad ng ginagamit sa NBA, CNN, Fox sports at ESPN. Mayroon din SNG flypack dish na papalit sa transmission ng microwave sa panonood ng laro mula sa venue patungo sa solar base sa Antipolo gamit ang satelitte technology.

Ang mga kagamitan ay unang gagamitin ng Solar Sports para sa mock coverage ng mga laro sa PBA pre-season tourney.

“Actually, we’ve tested it and it’s really okay. But there’s still room for improvement. Ayaw namin na kakapa-kapa pa rin ang mga tao namin by the time we have our first coverage,” ani Turcuato.

Ang mga anchors, analysts, courtside reporters at interviewers, ay sasailalim sa seyre ng orientation.At sinabi din ni Turcuato na ang pilosopiya ng ‘mass follows class’ ay gagamitin para dalhin ang coverage sa antas kung saan nasa itaas ang market segments.

Ang mga anchors ay sina Mico Halili, Vitto Lazatin, Ed Picson, Paolo Trillo at Turcuato habang ang mga analysts ay sina Norman Black, Danny Francisco, Quinito Henson, Vince Hizon at Jason Webb.  Ang mga courtside reporters naman ay sina Richard del Rosario, Patricia Bermudez-Hizon, Eric Reyes, Anthony Suntay at Dominic Uy at ang mga interviewers ay sina Peaches Aberin, Reema Chanco, Lia Cruz, Cheska Litton at Marga Vargas.