Domingo andam na sa iyang title fight
CEBU - Giangkon ni WBO Oriental batamweight champion Michael Domingo nga andam na siya nga makigsinukliay og kumo batok sa kanhi world champion Ratanachi Sor Vorapin karong umaabot Domingo nga maoy main event sa ipahigayong “Daytime Boxing: Philippine versus Thailand” diha sa Cebu Coliseum.
“I’m ready to take his world ranking away. I have trained for this biggest fight of my life,” matud ni Domingo.
Si Domingo (36-14-2, 15KOs) modepensa sa iyang titulo sa unang higayon batok ni Vorapin, kinsa naka-engkuwentro sa makaduha ka higayon ni Gerry Peñalosa.
“If I was never afraid of Gerry Peñalosa, then who does Michael Domingo think he is?” matud ni Vorapin.
Sa iyang bahin, si Vorapin (73-10, 49 KO’s) nga ikatulo sa WBO, kasamtangan karong nag-ensayo didto sa Chiang Mai, Thailand ug moabot kini sa Sugbu sunod adlaw uban ang iyang team gikan sa Bangkok.
Si Domingo anaa karon sa saktong porma ug kondisyon ug nakita sa iyang trainer nga si Edito ‘ALA’ Villamor nga modaog kini batok ni Ratanachi.
Si Ratanachi maoy igsuon ni Ratanapol, kinsa maoy nakapilde ni Villamor atol sa ilang engkuwentro pinaagi sa seventh-round TKO aron pagdagit sa IBF minimumweight title niadtong 1993.
Sa laing bahin, gipahibalo kagahapon ni promoter Sammy Gello-ani nga ang mga tiket mahimo na nga mapalit sa Cebu Coliseum ticket outlet.
- Latest
- Trending