Mercado, Castro babandera sa listahan ng PBA Draft

Babanderahan nina Fil-Am Solomon Mercado at Jayson Castro ang grupo ng mga umaasang rookies na makakalaro sa Philippine Basketball Association sa pagtatanghal ng taunang Draft sa Market, Market sa The Fort, Taguig sa Linggo.

Sina Mercado at Castro ay magkakampi sa Philippine Basketball League champion Harbour Centre ay kabilang sa 47 partisipante na nangangarap makalaro sa PBA.

Maaaring mabawasan pa ang listahan kapag nabusisi ng husto ang mga requirements na isinumite ng mga rookies bago ang Draft day.

Ito ay kinabibilangan ng inaabangang sina Fil-Ams Gabe Norwood, Jared Dillinger, Chris Viardo at Charles Waters, na kailangan lahat ay magsumite na ng orihinal na kopya ng pagpapatotoo ng Department of Justice at sertipikasyon mula sa Bureau of Immigration o kung hindi ay hindi mapapabilang sa Draft.

Sa lahat ng apat na Fil-foreign bred players, si Norwood, ang 6’5 guard mula sa George Mason University at naglaro sa National team sa tatlong international tournaments noong nakaraang taon at Dillinger ay kinokonsidera sa mga first round draftees.

Ang Rain Or Shine (dating Welcoat), Talk N Text at Magnolia ay nagmamay-ari ng tatlong picks ngayong season kung saan ang Welbest franchise ang no. 1 overall na pipili.

Ang Phone Pals ay no. 4 kasunod ang Alaska (5), Air21 (6), Purefoods (7), Air21 (8), Barangay Ginebra (9) at Sta. Lucia (10).

Ang ibang mahusay na talents ngayong taong batch ay kinabilangan nina dating national players Jeff Chan, Jonathan Fernandez, Beau Belga, Rob Reyes, TY Tang, Mark Borboran, Kelvin Gregorio, Cholo Villanueva, NCAA Most Valuable Player (MVP) Kelvin dela Peña, Kelvin Delafu, Pong Escobal, Larry Rodriguez, Patrick Cabahug, Christian Espiritu at Lawrence Bonus.

Karamihan sa aplikante ay sumabak sa tradisyunal na Rookie Camp na ginanap sa Emilio Aguinaldo College gym noong August 22-23.

Kukumpleto sa 47-man listahan na naaprobahan na sa Commissioner’s Office ay sina Ryan Regalado, Mark Anthony Cuevas, Andrew Catigan, Diomar Facum, Michael Dizon, Ismael Junio, Christian Reyes, Angelus Raymundo, Eian Yu, Dennis Concha, Frankly Nailon, Michael Gonzales, Mark Yee, Rene Cunanan,  Eder Saldua, Nestor David, Earn Saguindel, Nizar Kiram, Ferdinand Melocoton, Juan Luis Abad, Christian Cabatu, Nathaniel Cruz, Lei Mar Navarro, Jan Coching, Michael Olino, Chito Jaime at Ricky Natividad.