WBO Night of Champions’nagpanikad na!

Naghinamhinam na ang duha ka Pinoy nga boksidor nga sila si Rey “Boom Boom” Bautista og Donnie “Ahas” Nietes alang sa ilang umaabot nga sangka nga gitawag og “WBO Night of Champions” karong umaabot nga Agosto 30 didto sa Waterfront Hotel and Casino , Cebu City.Ang duha ka produkto sa nabantog nga ALA Boxing Gym nga sila si Bautista ug Nietes makigharung sa tagsa-tagsa nila ka langyaw'ng kaatbang. Si Bautista moatubang sa Mehikanong si Eden Marquez alang sa WBO Intercontinental title samtang si Nietes modepensa sa iyang WBO minimumweight belt batok sa taga-Nicaragua nga si Eddy Castro. Atul sa press conference nga gipahigayon didto sa Lai Restaurant didto sa SM City North Wing , ang duha ka mga Pinoy nga boksidor mipakita nga andam na sila nga makigsangka sa tagsa-tagsa nila ka mga kaatbang.

Laing mga mupakita og aksiyon sa undercard sa maong boxing event mao si Jason Pagusara nga makigsangka sa Thai nga si Kongdej Sithrajrakan, si Jomanz Omanz kontra Gideon Gamba, Jerson Mancio moatubang kang Mario Suson , makigdumug usab si Weng Haya kang Jhonny Lear , samtang ang gitawag nga “Fighting Doc” nga si JV Tuazon makigbinukbukay usab kang Albert Villacampa.

Sila si Bautista ug Nietes mupahigayon karong Agosto 16 sa ilang public workout didto sa Northwing sa SM City Mall, samtang sila si Castro ug Marquez muabot na karong Lunes , Agosto 25 diri sa Sugbo alang sa ilang away. Samtang ang ilang official weigh-in gikatakda karong Agosto 29 didto sa SM Cebu Atrium.

Ang mga tiket sa maong boxing event mapalit sa Island Souvenirs Ayala, Bisaya Ispisyal Ayala , USA Sports Ayala , Marfori Bakeshop (Mandaue) , Waterfront Lahug , ALA Promotions office , ALA Gym BTC, ALA Gym Mactan. Sa dugang mga detalye pwede kamung motawag sa numero 0928-5057980 ug 0917-3253005 ug pangitaa si Jeana o si Brent.