Yaw-Yan Mixed Martial Arts Tournament

Natuman gyud ang bahad sa Fil-Italian David “Dynamite” Denisi nga iyang paundangun og sayu si Junrey “Hitman” Soquite niadtong Sabado sa Mixed Martial Arts Main event sa Yaw-Yan ArDigma Martial Arts Federation Inc.in-house competition sa YawYan gym sa 3rd Floor Rm.304 Villacampa-Capuras Bldg., Sanciangko st., Cebu City atubangan sa University of Cebu (UC) main campus.

Sa ika-2:47 minutos sa first round pa lang , nakakuha’g oportunidad si Denisi alang sa rear naked choke nga maoy nagpaisa sa bandera ni Soquite , sakop sa Team Durex Kickboxing Club.

Sa kickboxing main event, niresulta sa panagtabla ang away nila ni Danilo “Alasan” Tudtud sa Team Yaw-Yan Ardigma ug Jay-R “The Standard” Dela Torre sa Team CMAC Kickboxing Club sa Mandaue City.

Sa laing MMA nga panagsangka, nagkinahanglan lang og 58 segundos sa 1st round si Alvin “The Heat” Amistoso sa Team Mixed Fighting System aron pasurendiron si Jonjer “The Danger” Cabalhug sa Team Durex pinaagi sa guillotine choke.

Sa special kickboxing bouts, midaug sila si Renan “Limbas” Noblefranca sa Team Yaw-Yan Ardigma batok Lito “Fearless” Malabago sa Team CMAC (1 TKO , 1:49) ug Johndave Epile sa Team Soma batok Clester Caparida sa Black Scorpion (split decision).

Sa laing mga away sa kickboxing , milampos sab sila si Jeff Malicay batok Joel Caparida (1 TKO), Bonbon Llera batok Armel Arcipe (1 TKO , 1:25) , Patrick Alcala batok Jovany Marba (2 TKO, 1:49), Renan Manhipos batok Jerry De la Vega (SD), Jairuz Ybañez batok Junhil Hayag (1 TKO, 0:45) , Roland Alinsug batok Ryan Limutan (2 TKO , 1:22). Nagmadaugon sab sila si Rodney Marababon batok Edsel Julom (2 TKO ,2:08), Junereiy Gitgano batok Marion Sevilla (TKO) , Dondon Gesta batok Alberto Compedio (TKO 7 sec) samtang niresulta sa majority draw ang away nila ni Geronimo Etac batok Adam Torbiso.

Nagkanayun si Master Benigno “Ekin” Caniga Jr. nga ang kita ning maong promosyon itabang ngadto sa galastuhon sa pagpatambal kang Grand Master Napoleon Fernandez , kinsa na-stroke di pa lang  dugay.