Reli, Carter midominar sa 32nd National Milo Marathon
Ang lumad nga taga-Ormoc, Leyte ug sakop sa Philippine Army nga si Rogelio Reli maoy migawas nga kampiyonato sa Mens division sa 21K provincial elimination race sa gipahigayun nga 32nd National Milo Marathon gahapon sa buntag didto sa Cebu City Sports Center ning syudad.
Ang 28 anyos nga si Reli mitapos sa lumba sa dagan sa oras nga 1:20:19 , nagsunod kaniya ang garbo sa University of Southern Philippines (USPF) nga si Eugene Delposo nga adunay oras nga 1:22:12 , mikawhat sa ikatulong puwesto si Terso Pamaybay sa iyang oras nga 1:23:53, samtang ang usa sa duha ka mga managsuong Delposo nga si Joel nahimutang sa ika-pitong puwesto sa iyang oras nga 1:26:23.
Sa iyang bahin , si Madelyn Carter maoy reyna sa Womens division sa 21K provincial elimination race. Si Carter nga misakmit sa 2nd place sa miaging 2006 National Milo Marathon mitapos sa oras nga 1:37:02 arun ipahimutang iyang kaugalingon sa unang puwesto karung tuiga, nagsunod kang Carter ang taga-Wisconsin, USA nga si Katie Fischer. Ang 23 anyos nga Amerikana mitapos sa lumba sa oras nga 1:41:26. Sa ikatulong puwesto mao si Emily Chiongbian nga mirehistro sa oras nga
Sila si Reli ug Carter nakadawat og P10,000 ug tropeyo bugti sa ilang kadaugan sa maong lumba. Sila usab tagaan og all-expense paid trip padulong ngadto sa Manila, Si Reli ug Carter uban sa laing mga karerista nga nakasulod sa top 10 sa 21K elimination race mulupad ngadto sa kaulohan para musalmot sa malisud nga 42K National Milo Marathon.
Laing kategoriya nga giilogan sa mga karerista mao ang 5K Fun Run. Si Ian Bernido maoy nipatigbabaw sa Mens division sa iyang oras nga 17:36, nagsunod kaniya sila si Carl Jeanette Malazarte, 17:42 ug Reprinel Banzon, 17:59, nga mipahiluna sa ikaduha ug ikatulong puwesto. Sa Womens division, si Ulessica Jagna nga adunay oras nga
Si Relmark Dignos maoy nangharus sa 3K (6-9) Age group boys sa iyang oras nga
- Latest
- Trending
