Kumbati na sa JBA 11th season
Sugdan na karong hapon ang kumbati sa Jaycees Basketball Association (JBA) 11th season diha sa City Sports Club sa Ayala.
Si commissioner Dr. Domingo 'Boy' Te, miingon nga dili pa mahibaw-an kun kinsay unang magsangka kay ipaagi pa man kini sa ripa karong adlawa.
Ang makakuha sa no. 1 maoy mosangka sa no. 4 samtang ang no. 2 maoy moharong sa no. 3.
Gumikan niini, gihangyo ni Te ang mga representante sa mata’g team pagsaksi sa ripa aron patas ang duwa.
Adunay upat ka teams ang mokumbati sa JBA 11th season ug kini mao ang Versacoool ni Dennis Tan, RC Goldline ni Chris Paruan, Samsung-Du Ek Sam nga girepresentahan nilang Engr. Rev Jumawan ug Malo Monreal ug Lite Shipping Corporation ang team ni Te.
- Latest
- Trending
