SSC Stags, UPHDS Altas wagi

Pinaganda ng San Sebastian College Recoletos at ng University of Perpetual Help Dalta System ang kanilang kartada matapos ang magkahi-walay na panalo sa NCAA men’s basketball tournament na nagpatuloy sa The Arena sa San Juan kahapon.

Kinailangan ng dala-wang overtime ng UPHDS Altas upang dispat-sahin ang host Jose Rizal University, 79-72. Ito rin ang ikalawang panalo ng Perpetual sa limang laro habang bumagsak ang JRU Heavy Bombers sa 1-3.  

Sumandal naman ang San Sebastian College kay Jim Viray at sa kani-lang malabakod na de-pensa sa huling maiinit na segundo ng labanan upang hatakin ang 66-63 panalo kontra sa Mapua Institute of Technology sa unang laro.

Nakabangon ang SSC-R Stags sa dala-wang sunod na pagkatalo upang mapaganda ang record sa 2-2 kartada sa likod ng pagkakasuspindi ng kanilang coach na si Jorge Gallent habang nalaglag naman sa 1-3 ang MIT Cardinals.