Dela Cruz-Castro vs Laborte-Bautista sa Petron finals

ANGELES CITY--Ipinagkait ng dalawang beses sa kanila, umaasa muli sina Lorna Dela Cruz at Chariza Castro na maiuuwi na nila ang titulo ngayon.

Pumasok sa kanilang ikatlong sunod na finals appearance, tinalo ng tambalang Dela Cruz-Castro sina Dafne De Borja at Lourdes Patillano, 21-10 sa semifinals ng  3rd leg ng Petron Ladies Beach Volleyball Tourna-ment sa Clearwater Country Club, sa Clark Airbase dito.           

Sa kanilang unang dalawang yugto (sa Clear-water at Manila Baywalk) hindi naging matagumpay sina Dela Cruz at Castro nang kapwa yumuko ang mga ito sa mas mahusay na laban sa finals.

Ngunit pahusay nang pahusay ang dalawa habang tumatagal. Sa ikatlong leg ng quarterly Petron series, naging madali ang daan patungo sa semis nang humatak ng four-game sweep ang tambalan kabilang na ang panalo kina De Borja at Patillano patungo sa finals.

Gayunpaman, naha-harap pa rin sa mabigat na hamon sina Dela Cruz kung saan makakasa-gupa nila ang paboritong sina Sheryl Laborte at Nerissa Bautista na nanaig naman sa isa pang semis kina Patricia Taga-nas at Trisha Quimpo, 21-12 sa torneong hatid ng  Speedo (official outfitter), Gatorade, Asian College of Science and Techno-logy and Action at Fitness Magazine.