RP chessers nasa Vietnam

Magsisimula na ngayon ang kampanya ng mga Filipino chessers, ang pinakahihintay na 3.2 Asian Zonal chess championships na gaganapin sa Ho Chi Minh City, Viet-nam.

Ang 9-round swiss system FIDE event ng 3.2 Asian Zonal chess cham-pionships ay magsisilbing qualifying event para sa susunod na taon na FIDE World Chess Championships na kung saan ang top two finisher sa men’s division at champion sa women’s division ay siyang kakatawan sa 3.2 Asian zone.

Pangungunahan ni Asia’s First Grandmaster Eugene Torre (ELO 2520) ang kampanya ng bansa.

Kabilang din sa naghahangad ng silya sa World Chess Champion-ships ay sina GM Rogelio ‘Joey’ Antonio (ELO 2521), GM Buenaventura ‘Bong’ Villamayor (ELO 2484), GM candidate Mark Callano Paragua (ELO 2500), National Open long game event champion NM Ronald Dableo (ELO 2305)at Woman GM candidate Arianne Bo Caoili (ELO 2293).

Ang mga iba pang kalahok ay sina 2001 Manila leg 3.2 Asian Zonal champ Grandmaster (GM) Nguyen Ang Dung (ELO 2530), IM Vin Bui (ELO 2461), IM Minh Hoang Phan (ELO 2445), FM Nguyen Ngoc Truong Son (ELO 2440) at FM Dinh Duc Trong (ELO 2380) ng Vietnam, GM Wu Shaobin (ELO 2531) at IM Peng-Kong Chan (ELO 2439) ng Singa-pore, IM Denny Juswanto (ELO 2505), IM Cerdas Barus (ELO 2503), IM Salor Sitanggang (ELO 2397), FM Sadikin Irwanto (ELO 2405) ng Indone-sia, GM Bazar Hatanbaa-tar (ELO 1415) at FM Genden Altanoch (ELO 2290) ng Mongolia, FM Zi Jing Wong (ELO 2336) ng Malaysia at Yudai Iwasaki (ELO 2200) ng Japan sa men's event.

Sa distaff side, masisilayan naman sina WIM Nguyen Thi Thanh An (ELO 2339), WIM Kieu Thien Kim Le (ELO 2303) at Le Thi Phuong Lien (ELO 2182) ng Vietnam, WIM Bathuyag Mongontuul (ELO 2321) at WFM Bayanmonh Anchimeg (ELO 2232) ng Mongolia.

Hindi naman kasali sina GM Dao Thien Hai (ELO 2564) ng Vietnam at 2000 Istanbul Olympiad board 1 gold medalist GM Utut Adianto (ELO 2573) ng Indonesia matapos mag-qualify sa Asian Continental na ginanap sa taong ito sa Doha, Qatar.