Cimafranca umusad sa finals

CEBU - Sinilat ni Jordan Cimafranca ng Tubod, Lanao del Norte ang top seed na si Oswaldo Dumoran, 7-5, 2-6, 7-5 at pagkatapos ay pinabagsak si Jeedre Tan upang makausad sa finals ng boys’ 16-under division ng Adidas Tennis Challenge 2002 dito sa San-case Tennis Club.

Makakalaban ni Cima-franca ang teammate na si Wilbur Orillano na nanalo laban sa no. 2 pick na si Janjie Soquino, 7-6, 7-5 sa Adidas netfest na ito na inorganisa ng CTW at suportado ng Milo at Sports Kids.

Umiskor si Jun Montalbo ng Maasin, Leyte ng 7-6, 6-2 panalo kontra sa Manila-based at no. 1 pick na si Mark Balce sa boys’ 14-under category at makakaharap nito si Daniel Macalino para sa titulo.

Ang iba pang finalists ay sina Poochi Macalino laban kay Amil Aya-ay sa unisex 10-under, Balce at Julius Lagman sa boys’ 12-under class; Janjie at nakakatandang kapatid na si Carlo sa junior men’s 21-under bracket, Macy Solon at Sally Dine Siso sa girls’ 12-under; Floreza Alesna at Jin Querubin sa girls’ 14-under.