Better luck next time Phone Pals

Kawawa naman ang Talk ‘N Text team. No. 1 na nga after the eliminations, may twice-to-beat advantage, tapos naa-out pa rin.

Sa tutoo lang, maraming PBA fans ang umasang sana, makarating na sila maski sa semis man lang pero yan nga, lagi na lang nasisilat.

Better luck next time na naman para sa Talk ‘N Text?

Sana naman, next conference, makarating na sila sa finals.

* * *

Gumaganda na ang PBA ngayon.

Mukhang pabalik na ang mga basketball fans para manood muli.

At yan ay dahil nawala na yung dalawang RP training teams na nagpapangit lang ng labanan sa PBA.

* * *

Next conference, ibabalik na raw yung dating format sa playing days ng PBA.

Medyo mali raw ang desisyon na magkaroon ng laro kahit na one game lang.

At next conference, sasali na muli ang RP team pero yun na yung binuo ni coach Jong Uichico.

Kahit paano, mas maganda ang laban nito sa mga PBA teams.

* * *

Nais lang naming batiin si Eric Buhain na siya ngayong PSC Chairman.

Mukhang ginagawa niya ang lahat para mapabuti ang plight ng ating athletes.

Balita namin, si Chairman Eric din ang magiging guest of honor and speaker sa pagbubukas ng NCAA 2002 season.

* * *

Buntis daw ang isang aktres.

At ang ama: Isang guwapong basketball player na naglalaro sa PBA.

Hindi pa rin nila muna inaamin ang kanilang relasyon.

Kung bakit, sila lang ang nakaka-alam!

* * *

Namamayagpag ang Las Piñas College sa ginaganap na Ambrosio Padilla Cup. Tinalo na nila ang mga malalakas na teams tulad ng San Beda, College of St. Benilde at AMA. Ang Las Piñas College ay pinangungunahan nina Efren Valdez, Jimwel Gican, Dennis Daa, Mark Constantino, Joel Gragasin at Chris Espera. Ang coaching staff ng Las Piñas College na lagi palang nagbabasa ng Pilipino Star Ngayon ay sina head coach Mel Alas, asst. Francis Claverol, Benjamin Alcaras at Jason Villegas.

Mag-champion na kaya ang Las Piñas College sa Ambrosio Padilla Cup?