Relasyon ni Pangulong Marcos sa pamilya Duterte: It’s complicated!

MANILA, Philippines — “Complicated” na umano ang relasyon sa pamilya ni dating pa­ngulong Rodrigo Duterte.

Ito ang sagot ni Pa­ngulong Ferdinand Marcos Jr.  matapos matanong tungkol sa relasyon nila ng mga Duterte at kung paano nila itutuloy ang kanilang alyansa ni Vice President Sara Duterte gayung hayag ang pagkontra ng mga ito sa polisiya ng administrasyon.

Sa kabila nito, si Inday Sara anya ang mayroon siyang kontak at kung paano sila noong kampanya ay nananatili pa rin ito matapos ang eleksyon at walang nagbago.

Madalas din anya niyang tinatanong ang Bise Presidente kung ayos lang siya gayung naiipit siya sa dalawang panig.

Tanging sagot lang anya ni VP Sara ay magtatrabaho lang siya at walang dapat ipag-alala sa kanya.