Okey lang yumaman/umasenso

Okey lang yumaman. Okey lang umasenso. Hindi ka masama.

Maraming Pilipino takot umasenso. Kapag may bagong kotse ka, “mayabang ka na.” Kapag umangat ka sa buhay, “nakalimot ka na sa pinanggalingan.” Kaya kahit may pangarap tayo, pinipigilan natin - baka kasi sabihin nilang mukhang pera tayo.

Pero kapatid, hindi kasalanan ang umasenso. Kasalanan ang maging tamad.

Sabi ng Diyos mismo sa Deuteronomio 8:18, “Alalahanin ninyo na ang Panginoon ninyong Diyos ang nagbibigay sa inyo ng kakayahang yumaman.” Kita mo? Ang Diyos mismo ang nagbibigay ng ABILITY para yumaman. Hindi si Satanas.

At sa Kawikaan 10:4, “Ang kamay na masipag ay nagpapayaman.” Ang kasipagan, banal yan.

Si Abraham, yumaman. Si Job, yumaman at ibinalik pa ng Diyos nang doble. Si Solomon, pinakamayaman sa lahat dahil sa karunungan. Hindi sila pinagalitan ng Diyos. Pinagpala pa!

Ayon naman sa Psychology, ang takot yumaman ay tinatawag na “Poverty Mindset” o “Money Guilt.” Sabi ni Dr. Brad Klontz, money psychologist, maraming Pilipino may “money script” na “masama ang pera, banal ang mahirap.” Kaya kahit may opportunity, sinasabotahe ang sarili.

Pero sabi ng Abundance Mindset Theory, ang taong naniniwalang “okey lang umasenso” ay mas nagiging masipag, mas generous, at mas nakakatulong sa iba. Ang pera ay hindi ugat ng kasamaan - ang pag-ibig sa pera nang sobra (1 Timoteo 6:10) ang masama. Pero ang pera mismo, tool iyan para tumulong.

Kung umasenso ka dahil nagsikap ka, okey lang yan.

Kung yumaman ka dahil nagtiyaga ka, okey lang yan.

Huwag kang mahiya.

Ang masama ay yong mga nagnanakaw, nangungurakot, nandaraya sa negosyo o nagpapatubo ng labis-labis sa utang.

Gamitin mo ang pag-asenso mo para magpaaral ng pamangkin, para tumulong sa parokya, para makapagbakasyon ang nanay mo.

Ang pagyaman na may puso, kabanalan din yan.

Okey lang yumaman. Hindi mo ninakaw yan - pinagpala ka ng Diyos dahil nagsikap ka. At mas marami kang matutulungan kapag meron ka.

Magdasal po tayo: Lord, alisin Mo po ang guilt sa pag-asenso. Turuan Mo po akong yumaman para makatulong, hindi para magyabang. Amen.