Probationary employee
Dear Atty. Divine,
Duna koy pangutana may labot sa akong probationary status sa trabahu-an. Matud sa HR nga on probationary period na daw ko but wa pa koy nadawat nga written notice about my status. Ang akong pangutana kun unsa may buot ipasabot ana og kun pila man ka buwan dapat ang probationary period? Kun probationary employee ko unsay pwedeng basihan aron ko i-terminate sa employer? Daghang salamat.
Nicole
* * *
Dear Nicole,
Ang buot ipasabot anang probationary period gisuwayan pa ang empleyado kun qualified ba siya nga mahatagan og permanent employment sa company. Basi sa Article 296 sa atong Labor Code, ang probationary employment sa usa ka empliyado kinahanglan nga dili mosobra sa unom ka buwan. Apan ang probationary employee mamahimo pa gihapon nga ma-terminate kun pananglit dili siya maka comply sa reasonable standards sa employer. Laing basis sa pag-terminate sa probationary employee kun nakalapas kini sa mga lagda sa kompaniya ug uban pang mga grounds nga nalatid sa Artice 297 sa atong Labor Code sama sa serious misconduct, gross and habitual neglect of duties, fraud, og uban pa nga mga seryuso nga kalapasan sa balaod. Apan kun ang empleyado magpadayon sa pagtrabaho human sa unom ka buwan nga probationary period, hayan mamahimo na siyang regular employee. Thank you and God bless.
Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutanan pinaagi sa akong column matag Miyerkules, Sabado ug Domingo.
- Latest
