Mag-face mask daw uli
MAYROONG infectious disease expert na nagmumungkahing pagsuotin muli ng face mask ang taumbayan habang nasa mga pampublikong lugar. Ito ay dahil sa bagong respiratory disease na nagmula sa China. Walang masama sa face mask.
Kahit noong wala pang COVID-19 pandemic ay may mga taong gumagamit na nito. Karapatan ng sino man na pangalagaan ang sariling kalusugan. Sa kasagsagan ng pandemic ay naobliga ang lahat na magsuot nito dahil sandamukal ang mga naibabalitang namamatay sa sakit.
Marami ang natakot kaya napilitang magsuot nito. Hanggang ngayon, bagamat malaki na ang nabawas sa mga tumatangkilik sa face masks, marami pa ring gumagamit nito. Naging habit na kumbaga.
Naging napakalaking negosyo ng face mask at face shield. Kahit natapos na ang pandemic, may ilang sektor na tumututol na alisin ng pamahalaan ang mandatory na paggamit ng face masks. Babagsak kasi ang negosyo.
May mga nagsasabi na tuso talaga ang China pagdating sa negosyo, gumagawa sila ng virus na ikinakalat sa daigdig para maibenta ang kanilang face masks. Nagpapatawa lang siguro ang mga may suspetsang ganito.
Pero sa totoo lang, malamang ang pagpapakalat ng virus ay talagang isang uri ng germ warfare na inihahasik upang ipakita ang lakas sa pakikidigma.
Sales slogan ng China: “Buy our face masks and get free respiratory disease!” Joke only!
- Latest
