Mamahimo bang mapanag-iya sa giutangan ang yuta nga giprenda?

Dear Atty. Divine,

Nangutang ko og P300,000.00 sa akong amiga kay  gigasto sa akong anak nga milarga sa abroad. Akong bayran ang utang sud sa 12 ka buwan ug duna kini 5% nga

interest matag buwan.

Akong gihimong collateral ang among yuta. Busa mi execute ko og Real Estate Mortgage.

Apan matud sa akong giutangan nga kun mapakyas ko sa pagbayad sa maong utang , iyang birahon ang akong yuta ug makonsiderar na daw kini nga iya na. Ang akong pangutana atty kun sakto ba ang akong giutangan nga siya na ang makapanag-iya sa akong yuta  kun di ko kabayad sa akong utang kaniya?

Daghang salamat. — Nena

Dear Nena,

Basi sa atong balaod kun ang nangutang mapakyas sa pagbayad sa iyang utang ug aduna silay gipirmahan nga Real Estate Mortgage, ang mahimo sa giutangan mao ang pag-foreclose sa gicollateral nga property ug iya kining ipa- auction ug ang halin niini maoy ibayad sa utang.

Hugtanong gidili sa atong balaod ang Pactum Commissorium ug dili valid ang bisan unsang kontrata nga naglatid nga mapanag-iya sa giutangan ang gi-collateral nga butang kun mapakyas sa pagbayad ang nangutang.

Busa kanang gusto sa imong giutangan nga mapunta na niya ang imong gi-collateral nga yuta kun di ka kabayad  sa P300,000.00 kalapasan kana sa balaod ug duna kay katungod nga mo-question niini kun iya kanang buhaton.

Thank you and

God bless. Atty. Divine

Alang sa inyong pangutana, palihug lang sa pag email sa flores_ [email protected]

ug akong tubagon ang inyong pangutana pinaagi sa akong column matag Miyerkules,

Sabado ug Domingo.