Economic sabotage

Bisan tuod og medyo niarang-arang na ang atong kahimtang karon, economically speaking, apan nagpadayon ang pagmahal sa presyo sa mga palaliton sama sa mga produkto gikan sa kaumahan.

Gumikan niini, si Senador Joseph Victor Ejercito mi-file og balaudnon nga mag-classify sa profiteering kon kining subrang pagpaburot sa mga presyo, ug hoarding kon ang pagtago sa mga igbabaligya nga mga produkto, sama sa sibuyas, nga mga pagsabotahe sa atong ekonomiya, kon economic sabotage.

Maayo unta nga mahimo na kining balaud, isipon sa Kongreso as urgent, ug tinud-on sad unta ang implementation niini. Kay karon, every now and then, makadungog kita nga dunay gidudahan nag-hoard ug nag-profiteering, apan, kutob ra ta diha. Walay imbestigasyon, walay persecution.

Ania: “Hoarding and profiteering of vegetables, fruits, fish, meat and poultry will be punishable as economic sabotage under the proposed amendments to the Agricultural Smuggling Act,” sumala ni Ejercito. Ug most probably, kining gipang-hoard mga produkto mga smuggled goods usab. .

Nga dugang ni Ejercito: “Filipinos continue to be battered by high prices of basic farm produce, poultry, meat and fish while farmers are losing income due to smuggling. Our ultimate goal is safeguarding our farmers, consumers and the agricultural sector, and attaining the goal of food security for the country.”

Ang Senate Bill 1688 nagpahamtang og silot nga 17 ka tuig nga pagbilanggo niadtong nag-hoarding, profiteering, ug nag-cartel sa mga agricultural products. Siyaro’g di sila niini motagam. Kana kon tinuod-on gayud sa gobiyerno ang paggukod kanila.

Unya, dugang niini, “Those found guilty of the offenses will also be fined twice the fair market value of the profiteered, hoarded and cartelized agricultural product.”

Sa 2021 Global Food Security Index, nga gihimo sa mga ekonomista, ang Pilipinas (nga usa man unta kita ka agricultural country) nahimutang sa ika-64 sa 113 ka laing mga nasud, ‘in terms of food security: food availability, food accessibility, food utilization and stability.’

Sumala pa, sa record sa Bureau of Customs, ang gi-smuggle nga mga food products mikabat og P1.2 billion sa niaging tuig.

Walay pagkutat ang smuggling, hinungdan nga usa ka columnist sa Manila nakapangutana kon ngano nga ang mga smugglers dili kahilabtan. They remained untouched. Ngano man ni? Ug nganong makasulod man kini nganhi sa atong nasud?

Nakapasamot niining maong problema sa smuggling mao ang mga presyo sa basic commodities nga gi-control sa cartel, nga hangtud karon, lagmit wala pa mailhi.

By the way, importante gayud kaayo ang style sa leadership sa manumoan sa atong nasud. Ug matud ni Press Secretary Trixie Cruz-Angeles, sumala sa mapatik sa Philippine Star, “President Marcos is systematic and does more planning than his predecessor. The President does very well. What we only see is that it took some time for people to realize his (leadership) style, which is deliberative, science-based and, you know, very professional.”

Mao usab kini ang atong namatikdan sa kind of leadership ni BBM. Maoy hinungdan nga taas kaayo ang iyang acceptance rating hangtud karon. Sa ato pa, nakaayon ang katawhan sa matang sa liderato sa incumbent President.