Paglikay gikan sa mga COA disallowances

Matag karon ug unya, makadungog kita og mga kaso, o mga isyo batok sa mga opisyal sa gobiyerno, o batok sa ahensiya mismo bahin sa mga disallowances ug sa ilang giingon nga mga nadiskobrean nga kalapasan, sama sa transfer of funds, hiring of private lawyers/consultants, travel expenses, collective negotiation agreement, unauthorized benefits, ug daghan pa.

Akong nahinumdoman, nga sa among panahon, sa among mga travels, immediately inig-abot namo gikan sa biyahe, magpa-liquidate dayon mi, hinungdan nga wa gyud mi makatilaw og mga unliquidated advances.

Karon, makadungog kita og mga atraso sa mga opisyal mahitungod niini, bisan sa ila na nga pag-retire. Makadungog usab kita og kaso bahin sa mga unauthorized benefits, diin ang hingtungdan aghaton pagpa-refund o pag-uli sa kwarta nga ilang nadawat.

Gumikan niini ug uban pa nga kalapasan, pipila ka public official, matud pa, ni-clamor nga kahatagan sila og igong kasayuran aron kalikayan ang nahisgutang kalapasan.

Tubag niini, ang Center for Global Best Practices nagpasiugda’g seminar didto sa kaulohan nga giulohan “Best Practices and Remedies to Avoid COA Disallowances.” Klaro ang katuyoan sa maong seminar.

Maka-benefit niini ang mga national government agencies, LGUs, mga GOCCs o Government Owned & Controlled Corporations, mga public utility companies, ug mga private entities nga dunay dealings, o mga transactions with the government .

Ang mga topic sa seminar naglakip sa 1.) What you must know about procurement Law. 2.) How to prepare your new bidding documents. 3.) Duterte government’s new PPP menu. 4.) Local government and real property taxation.

Tan-aw nako, timing ug kinahanglanon kaayo ang maong seminar.  Ambot kon nagpasiugda ba usab sila niini dinhi sa atong dakbayan. At least kagiyahan ang mga nagdumala sa mga buhatan sa gobiyerno dinhi aron kalikayan ang maong mga disallowances.

* * *

Nangukay ko sa usa ka dili-kaayo bag-o nga mga clippings, ug ang headline sa usa niini nakadapit sa akong pagtagad nga nagkanayon: “PNP chief: Looks like P163-M ‘shabu’ came from China.” Matud pa, ang label sa mga packaging niini ginganlan og “special selected and processed refined tea.”

Nagduda ang kapolisan nga ang shabu nga gimarkahan og “special tea” nagagikan sa China tungod kay ang mga label ug ang mga markings niini Ininsek man, gisuwat sa mga Chinese characters. Mao kini ang akong giingon dinhi nga hangtud nga dili nato ma-identify ug masikop ang mga tinubdan sa druga, dili gayud nato masumpo ni masulbad ang problema sa gidiling druga.