Pagpanormal sa blood sugar (2)

Nasayod na kita nga ang barometro o sukdanan nga kun motaas pa sa normal nga lebel ang blood sugar, unya makontrol nato pagbalik ang neutral ug normal nga blood sugar level (100mg/dl) gikan sa normal nga 80-120mg/dl, tawgon ta’g diabetic.

Kun tawgon na ta nga gi-diabetes o dayabeteson, ang buot ipasabot niini nga pirme na taas ang blood sugar (200mg/dl.- pataas pa). Angay ta nga masayod, ang diabetes-1 wala na’y katakus ang pancreas nga makaprodyus og insulin aron ilawog sa mga selyula nga mahimong kusog o enerhiya sa lawas, mao nga ang mga sugar magpundo na lang sa dugo.

Ang pagkontrol niini mao ra gyud ang pag-injection og insulin aron ta mobaskog. Gawas nga mapaubos ang blood sugar, kun dependent na ta’s insulin injections, magkaanam sab nga mokalit la’g saka o moubos ang blood sugar, kay mosaka sab ang insulin dosage, hangtod nga mobalibad na ang lawas.

Ang diabetes-2, makasarang pa ang pancreas pagprodyus og insulin apan dili lang mapaigo sa panginahanglan sa lawas, mao sab ang mga sugar, kadaghanan niini naa ra sa dugo magpundo, mao nga motaas ang blood sugar.

Apan ang pagkontrol niini, wala na kinahanglana ang pag-injection og insulin. Igo na ang hustong administrasyon o pagbalanse sa atong pagkaon o pagdiyeta.

Aron sa ingon, dili masud-ipan nga maanam nga ma-insulin ang blood sugar, aron kapuslan nga magamit ning enerhiya o mamintin ang kabaskog sa panglawas. Mag-monitor nga kanunay magpa blood sugar test, aron madeterminar ang kondisyon sa angay nga pagkaon. Dili ta mokompiyansa, kay sagad wala ta’y sintomas nga mabatyagan ang kasakit, gawas kun mograbe na.

Igo nga pagkaon ra ang mopanormal sa blood sugar.

Ayaw gyud pagpatuyang sa kaibog sa kalami ug katam-is nga pagkaon nga makadaot nato.