Utang nga wa bayri

Dear Atty. Divine,

Kining akong problema, mahitungod ni sa kuwarta nga gi-borrow sa akong friend nga wala pa gihapon niya kabayri. He borrowed money from me amounting to P10,000 last September 4 of this year. He promised to pay at the end of September, but until now, wa pa gyud niya mabayri. Sige nako siya nga gipaningil pinaagi sa text ug tawag pero di motubag. Wa na sab siya sa iyang gipuy-an kaniadto, pero before nako siya gipa-borrow, I made a written agreement and I also let him affix his signature nga 15% interest ang naa sa among agreement. Unsa may angayan nakong buhaton attorney aron mabayran niya ang iyang utang? Pwede ba ko magpadala og letter niya as notice nga angay’ng i-settle na niya ang iyang utang? Naglibog gyud ko. Thank you and God speed! -Alex

* * *

Dear Alex,

Kun nasayod ka sa iyang address, mahimo nimo siyang padad-an og demand letter nga imo nang paninglon ang iyang utang ug kinahanglan kini niyang bayran sa labing dali nga panahon kay nagtubo kini tungod sa 15% nga interest. Kun di siya motubag sa imong demand letter, mahimo nimo siyang ireklamo sa barangay diin siya nagpuyo aron siya ipatawag ug aron kamo magka-atubang ug mahusay ang inyong problema. Kun dili mo mahusay sa barangay, then imo na lang siyang idangop sa korte. Kay wa man makaabot og sobra sa P100 mil ang iyang utang kanimo so mahimo ra na sa mga small claim cases sa MTC ug adto kini nimo ipasaka sa lugar diin ka magpuyo o sa lugar diin magpuyo ang nangutang kanimo. Dili ka na magkinahanglan pa og abogado sa mga small claim cases ug mas paspas sab maresolbar ang inyong kaso kay ang korte mismo ang mopatawag sa utangan ug diha-diha desisyonan kini sa huwes basi sa ebidensya atol sa inyong hearing. Thanks and Happy New Year kanimo ug sa imong pamilya. -- Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.