Pagsaulog sa Pasko diha sa konteksto sa pagpaminaw

Aron mas mahimong mabulukon ug makahuloganon ang atong pagsaulog sa Pasko atong hinumdoman kining mosunod:

1. Ang bugtong paagi sa pagtudlo sa atong mga mahal sa kinabuhi nga sila bililhon mao ang paghatag kanila og bili.

2. Sa higayon nga ilang masinati nga sila bililhon, mahimong sila mobuhat ug mosulti og mga butang nga dunay bili.

3. Bisan unsa kayano sa mensahe nga buot ibutyag sa imong mahal sa  kinabuhi nganha kanimo, hinumdomi sa kanunay nga kini gihapon adunay bili alang kanimo ug kanila.

4. Diha sa pagpaminaw mas madugangan pa ang imong kahibalo ug kasinatian sa imong hinigugma.

Hinumdomi: Ang matinud-anong pagpaminaw buhat sa gugma ug ang Pasko sa pagkatawo sa Ginoo, kasaulogan man sa gugma.