^

PSN Opinyon

Nagpakita gyud sa ka-ignorante

LINTUNGANAY - Fred Languido -

Wa pa matagbaw ang hepe sa Traffic Group dinhi sa dakbayan sa Sugbo nga si Chief Inspector Andres Bayarcal sa makauuwaw nga pagbasura sa kasong iyang gipasaka batok ni Atty. Danilo Pilapil buot pa gyud niini nga ipasaka pag-usab ang kaso kay mopresentar kuno sila og dugang mga ebidensiya.

Kun ako’y Bayarcal maayo tingali nga magpuyo ka nalang sa imong opisina o ba kaha manakop ka og mga dispatcher kay klaro pa nga duna kay kasong mapasaka. Nasuko si Bayarcal nga gihinganlan siya og “ignorante” ni Atty. Pilapil tungod sa pagdumili niini pagdawat sa suwat nga nag-awhag pagbuhi sa iyang kliyente nga gitanggong sa traffic group human moangkon nga maoy responsabli sa usa ka vehicular accident didto sa lower Busay diin ang biktima namatay.

Si Pilapil nga maoy abogado sa drayber miawhag ni Bayarcal nga buhian ang iyang kliyente tungod kay way legal basis pagpadayon og tanggong niya sanglit mitahan siya ug miabaga sa galastuhan sa pamilya sa biktima.

Kun sa tan-aw ni Bayarcal sayop si Pilapil sa iyang pag-awhag nga buhian ang drayber mamahimo man nga iyang pasabton ang abogado nga kun duna siya’y reklamo didto nalang sila mag-abot sa korte.

Ang sipyat sab ni Pilapil kay iyang giinsulto si Bayarcal pinaagi sa paghingalan og ignorante. Apan bisan tugotan ta nga nasipyat si Pilapil niini, dili gihapon ni igong basihanan aron pusasan ni Bayarcal ang abogado.

Isip opisyal sa kapolisan si Bayarcal angayang dunay taas nga pasensiya ug disiplina sa kaugalingon. Samtang nasuko siya nga gihinganlan og ignorante apan ang iyang reaksiyon nagpakita sa iyang ka ignorante.

Kun di pa siya ignorante nasayod unta siya nga katungod sa usa ka dinakpan o ba kaha sa usa ka tawo nga ubos sa custodial investigation ang pagkuha og abogado pagtabang niya. Klaro ni segun sa gilatid sa Republic Act 7438 ang balaud nga naglatid sa mga katungod sa usa ka dinakpan ug ang obligasyon sa arresting officer.

Si Pilapil igo lang mihimo sa iyang trabaho pag-assist sa drayber nga gitanggong sa traffic group human mitahan ug miangkon nga nakasala. Kun duna may sipyat si Pilapil sigurado ko nga di ni igo nga rason aron siya pusasan ug prisohon uban sa iyang kliyente.

Ang higala nakong mga polis mitug-an nga may pagka problematic og dyutay sa batasan si Bayarcal. Gani diha kunoy higayon nga gikasab-an ni kaniadto ni Col. Agusto Marquez kay tiaw mo bay dihay sakop si Marquez nga gikwestiyon ang mission order ug iyang giingnan nga patawgon ang opisyal niya.

Ang angayang buhaton sa kadagkuan sa kapolisan dinhi sa dakbayan kang Bayarcal himoong gwardiya sa gate sa kampo. Dili siya angayang pasagdan nga magpabilin sa assignment nga makiglambigit sa kumunidad kay nahadlok ko nga imbis atong makuha ang suporta sa kumunidad moislag na hinuon kini.

* * *

[email protected]

 

AGUSTO MARQUEZ

BAYARCAL

CHIEF INSPECTOR ANDRES BAYARCAL

DANILO PILAPIL

IYANG

KUN

PILAPIL

SI PILAPIL

SIYA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with