Mahigit 100 endangered species, hulog sa BITAG ng DENR at Task Force Kalikasan!

MAHIGIT 100 endangered wildlife species ang nakum­piska ng Department of Environment and Natural Re-sources (DENR) at Task Force Kalikasan kasama ang BITAG.

Ito ay matapos isagawa ng DENR at Task Force Kalikasan sa pangunguna ni Assistant Secretary Jayjay Yambao ang isang operasyon laban sa ilegal na pag-be­benta ng mga endangered wild life species sa Car- timar, Pasay City.

Marso 10, nasa kalagitnaan ng pagpupulong ang grupo ng BITAG sa aming opisina, isang tawag ang aming natanggap mula mismo kay ASEC Yambao.

Itinimbre ni ASEC Yambao sa BITAG na isang surprise visit ang kanilang isasagawa sa Cartimar, Pasay City hinggil sa talamak na bentahan daw dito ng mga endangered species.

Marami na raw report ang kanilang natatanggap kung kaya’t kasama ang Task Force Kalikasan, isang operasyon ang kanilang ikinasa.

Masuwerte naman na BITAG ang kanilang inimbi­tahan upang isagawa ang operasyong ito at dito, eksklu­sibo naming naidokumento ang bawat pagpaplano at operasyon ng DENR at Task Force Kalikasan.

Pitong pet shop stalls sa Cartimar, Pasay ang na­hulihan at nakumpiskahan ng iba’t ibang endangered species.

Karamihan pa sa mga stalls na ito, nakatago ang kani­lang mga panindang endangered species sa mga kisame. Natuklasan ito ng mga representante ng DENR at Task Force Kalikasan ng halughugin nila ang bawat tindahan.

Kabilang sa mga nakumpiskang endangered species ay ang sugarlider, coka­too, mynah, Philippine scops owl, iguana, turtle, lizard, rainbow lorry, tortoise, garter snake, plover, squirrel, monkey, snakes katulad ng python at cobra at ang pa­mosong Philippine Eagle.

Kasalukuyang itinurn-over ang mga nakum- p­iskang hayop sa Protected Areas and Wild-life Bureau upang isa­gawa ang imbentaryo ang pan­samantalang pangangalaga sa mga endangered species.

Abangan ngayong Sabado sa BITAG ang kabuuan ng operasyong ito ng DENR at Task Force Kalikasan.