Kabalaka

Norman Vincent Peale

Si J. Artthur Rank, usa ka prodyuser nadungog nga dunay talagsaong pamaagi kon unsaon niya pagdala ang iyang Kabalaka. Iyang nahukman nga mabalaka lang siya matag Miyerkules. Kon ang kabalaka motumaw sa laing mga adlaw, iya kining isulat sa papel og ihulog sa usa ka kahon.

Matag Miyerkules iyang ablihan ang maong kahon og didto iyang makita nga ang uban niyang mga problemang gikabalak-an, iya na diay'ng nasulbad og kadtong wala pa niya masulbad nga mga problema, iyang isulod og balik sa maong kahon aron ablihan na pud sa sunod Miyerkules! Ning paagiha, natambalan niya ang iyang sakit nga mao ang Kabalaka. Pamalandong

Usahay ang kabalaka modaog ug mopukan kanato. Ang kabalaka usahay maoy miulipon sa kinatibuk-ang pagkatawo. Tungod niini, nababagan ang atong paglambo ug pagtubo. Usahay ang maong mga kabalaka dili gyud kaayo kinahanglanong kabalak-an.

Busa angay lamang nga atong hatagan og igong panahon nga atong atubangon ang kabalaka sa atong kinabuhi, inay atong pas-anon kini sa atong inadlaw'ng pakiglambigit.