Doktor at kasabwat tiklo sa estafa ng P1 milyon
MANILA, Philippines — Arestado ang isang Filipino-American doctor at kasamang babae dahil sa kabiguang ibigay ang dolyar na katumbas ng P1-milyon mula sa isang negosyante sa Parañaque City, nitong Biyernes.
Sa ulat ni Parañaque City Police Station chief, PCol. Nicolas Piñon, isinailalim na sa inquest proceedings sa reklamong swindling (estafa) ang mga suspek na sina alyas “Migs”, 36, lalaki, residente ng Batasan Hills, Quezon City at kasama niyang si alyas “Inkee”, 51, residente ng Carmona, Cavite, na kapwa inireklamo ng negosyanteng si Christopher Aguilar.
Sa inisyal na imbestigasyon, noong Disyembre 11, 2025, nakipagkita ang negosyante sa dalawang suspek sa Parqal Building, sa Macapagal Boulevard, Barangay Tambo, Parañaque para sa transaksyon ng cash exchange na P1,000,000.00 para sa USD 100,000.00. subalit hindi naibigay, sa kabila ng written acknowledgement.
Idinulog ang reklamo sa Tambo Police Sub-station ng negosyante kasama ang isang testigo, at tinungo ang Parqal Building, sa Macapagal Boulevard, at inaresto ang mga suspek.
- Latest
