Ex SK Chairman, kalaboso sa estafa
MANILA, Philippines — Bagsak kalaboso an isang dating Sangguniang Kabataan (SK) Chairman na may kasong estafa matapos itong maaresto ng mga operatiba ng pulisya nang mamataan sa Roxas Boulevard, sa Pasay City, nitong Biyernes.
Ayon kay Pasay City Police Station, dinakip si Patrick Bien Rocas Villanueva, residente ng Sta. Cruz, Manila sa bisa ng warrant of arrest na inisyu ng Batangas City Municipal Trial Court, Fourth Judicial Region, Branch 1, sa kasong estafa sa pangunguna ni P/Captain Dennis Dealkisa, Officer-in-Charge ng Station Intelligence Section.
Dakong alas-3:50 ng hapon nitong Biyernes ng arestuhin ng mga awtoridad si Villanueva sa harapan ng Midas Hotel, sa R. Blvd.
Walang kaukulang piyansang inirekomenda ang korte dahil convicted na si Villanueva sa nasabing kaso at dapat nang isilbi ang sentensiya. Ang akusado ay inireklamo sa pag-scam sa mga biktimang kinabibilangan din ng isang anak ng Kongresista at Senador.
Kasalukuyan nang nakapiit sa Warrant and Subpoena Section ang suspect habang hinihintay ang commitment order ng korte para mailipat sa kaukulang piitan.
- Latest
