5 tiklo sa higit P3 milyong ketamine, ecstasy
MANILA, Philippines — Limang kilabot na “tulak” ang dinakma ng Parañaque Police Station kasabay ng pagkakasamsam ng P3,204,700.00 halaga ng iba’t ibang uri ng iligal na droga sa ikinasang buy-bust operation kahapon ng madaling araw sa Brgy.Tambo, Parañaque City.
Sa ulat ni Parañaque Police Station Officer-in-Charge, PCol. Nicolas Piñon, nadakip ng Station Drug Enforcement Unit sa pangunguna ni PCapt. Luis Gazzingan Jr., sina alyas “Christian”, 28; alyas “Symon”, 29; alyas “Renmer”, 26, “Jackylyn”, 21, at “Christine”, 26.
Nakuha sa mga ito ang 200 gramo ng hinihinalang Ketamine na may halagang ?1,100,000.00; 1,000 gramo ng Marijuana Kush katumbas ng ?700,000.00; 500 gramo ng pinatuyong marijuana na may halagang ?60,000.00 at 791 Ecstasy tablets na may halagang ?1,344,700.00.
Bukod pa rito, nakuha rin ang isang sachet ng high-grade marijuana na nagkakahalaga ng ?16,800.00, at ilang pakete ng iba’t ibang kulay ng Ecstasy tablets, buy-bust money, weighing scale, storage box, cellphone na ginamit sa transaksiyon sa poseur-buyer.
Pinuri ni National Capital Region Police Office (NCRPO) PMGen. Anthony Aberin at SPD Director PGen Randy Arceo ang mga operatiba sa matagumpay na operasyon.
- Latest
