4 timbog sa scamming SIM cards
MANILA, Philippines — Arestado ang isang Chinese national at tatlong Pinoy na nahuli sa akto na nagbebenta ng mga SIM cards na gamit sa online scamming sa ikinasang buy-bust operation ng mga tauhan ng National Capital Regional Police Office (NCRPO) sa may Nicanor Padilla Street, San Miguel, Maynila.
Bunsod ito ng impormasyon na ipinarating sa kanila ukol sa iligal na aktibidad sa distribusyon at pagbebenta ng mobile phone devices nang walang kaukulang permits mula sa NTC.
Nagbebenta rin ang mga suspek ng “pre-registered SIM cards” na napupunta sa mga sindikato o kompanya na sangkot sa online scamming at iligal na Philippine Offshore Gaming Operators (POGO).
Nakilala ang mga nadakip na sina Li Peng, alyas Devin Li , Chinese national; Anelyn Cabiling; Rachelle Bufete; at Antonnette Hernandez.
Nakumpiska sa kanila ang: 325 piraso ng mga brand new at 2nd hand na cellphones; at dalawang piraso ng P1,000 bill na ginawang marked money kasama ang boodle money;
Nakaditine ngayon ang mga suspek sa RSOG Custodial Facility at nahaharap sa mga kasong paglabag sa R.A. 7394 o ang Consumer Protection Act in relation to R.A. 3846, na isinampa sa Manila City Prosecutor’s Office.
- Latest