Matataong lugar sa Eastern Metro Manila, inikot ng EPD sa bisperas ng Bagong Taon

MANILA, Philippines — Todo-alerto  ang Eastern Police District  (EPD) sa pagbabantay ng seguridad sa pagsalubong sa Bagong Taon sa mga lugar na sakop ng police district.

Ayon kay  EPD Director Police B/Gen. Orlando Yebra,  450  tauhan ang ipinakalat sa ibat- ibang lugar sa eastern Metro Manila  para magbantay at magmantine ng kaayusan ng  pagsalubong sa 2022.

Anya, bahagi ito ng kanilang ‘OPLAN Ligtas Paskuhan’ na naglalayong panatilihing payapa ang pagdiriwang ng Pasko at Bagong Taon, gayundin para mabantayanang pag-atake ng mga kriminal at mananamantala, mga violators ng city ordinances laban sa paputok, IATF regulations at iba pang alituntunin.

Kahapon ay nagsagawa sina Yebra kasama ang ibang Police Chief ng Pasig, Mandaluyong, San Juan at Marikina ng “awareness ride” sa iba’t ibang lugar sa Eastern Metro Manila katuwang ang ibang motorcycle group na Harley Davidson.