2 ‘berdugo’ ng ASG, timbog ng NBI
Namugot sa 2 miyembro ng Jehovah’s witness
MANILA, Philippines – Makalipas ang 17 taon, nadakip na ng mga tauhan ng National Bureau of Investigation (NBI) ang dalawang tauhan ng Abu Sayyaf na sangkot sa pagkidnap, pagpiit at pagpugot ng ulo sa dalawa sa anim na biktima sa magkahiwa- lay na operasyon sa May-nila at lungsod Quezon.
Sa pulong-balitaan kahapon sa NBI main office, iprinisinta ang mga naarestong suspect na sina Anwar Sabarul Mohotoh na may mga alyas na Ibno Ayob at Ayyub, miyembro ng Basilan based ASG at Adzhar Hadjula Mannan, na may mga alyas na Julmain, Marwan, Ismael Maomar Timbao na inaresto sa bisa ng warrant of arrest.
Ang dalawa ay kabilang sa grupo ng Abu Sayyaf na nangidnap sa anim na katao noong 2002 kung saan dalawa sa mga biktima na kaanib sa Jehovah’s witness ang pinugutan pa nila ng ulo noong Agosto 20, 2002.
Si Anwar ay nadakip sa Quiapo, Maynila matapos matanggap ang impormasyon mula sa Armed Forces of the Philippines (AFP) na nagtatago ito sa Maynila.
Sumunod namang na- timbog si Julmain sa Salam Compound, Culiat, Quezon City, kung saan siya nagpapatakbo ng negosyong food stall at gumagamit ng iba’t ibang pangalan.
Si Julmain ay aktibo pa umanong miyembro ng ASG Urban Terrorist Group-Special Operations Group, siya ay sinasabing kanang-kamay ng namayapang ASG lider na si Isnilon Hapilon at nagsilbing kasama ng mga ASG sub leaders sa pagtungo sa Marawi City, Mindanao at Palawan.
Sumailalim si Hapilon sa training sa pamumuno ni ASG leader Khadaffy Janjalani sa Lanao Del Sur.
Bago siya maaresto ay nalaman din na aktibo siya sa pagre-recruit ng kanilang organisasyon at nagsasagawa rin ng pag-do-doktrina upang makahimok ng maraming mi-yembro.
Kasalukuyang nakapiit ang dalawa sa NBI detention facility habang hinihintay pa ang commitment order kung saan sila permanenteng ikukulong.
- Latest
