Jamias, may estrelya na

MANILA, Philippines – Nagbunga na ang 32- taon pagseserbisyo, pagpupursige at EPD director Senior Superintendent Elmer Jamias matapos lagyan ng star ang kanyang balikat at ma-promote kahapon bilang Police Chief Superintendent. Dakong alas-4:00 ng hapon nang manumpa si Jamias sa isang simpleng seremonya sa National Headquarters, Star Lounge, Camp Crame, sa harapan ng kanyang pamilya at PNPA Lakans.

Ayon kay Jamias, hindi madali ang kanyang naging paglalakbay bago maging isang heneral ngunit dahil sa kanyang pagsusumikap at biyaya ng Panginoon ay nakamit din niya ito.
Nabatid na si Jamias ay kabilang sa PNPA Class 1986 tinaguriang “Ang Barako ng Maynila.” matapos na isapelikula ang kanyang makulay na buhay.

Nakatanggap siya ng mga medalya at mga parangal dahil sa kanyang mabuting serbisyo-publiko.