Siga sa Pasig itinumba: Binaril na, sinaksak pa

MANILA, Philippines – Paghihiganti at matin-ding galit ang tinitignang motibo ngayon ng mga aw­­toridad sa ginawang pagpatay sa pamamagitan ng saksak at pagbaril pa sa sinasabing ‘siga’ sa Pasig City, kamakalawa ng gabi.

Ang biktima ay kinilalang si Rodolfo Bito, alyas Popong, ng Jabson at C. Bornay St., Brgy. Kalawaan sa lungsod.

Nabatid na ang pana-naksak at pagbaril sa biktima ng hindi pa nakikilalang suspek ay naganap dakong alas-11:00 ng gabi malapit sa  kanyang tahanan.

Ayon kay Fernando Va­leros, desk officer ng Brgy.  Kalawaan, nakarinig sila ng sunud-sunod na putok ng baril sa Jabson St., kaya mabilis silang nagresponde pero pagdating nila sa lugar ay nakita na nilang nakahandusay at wala ng buhay ang biktima na may tama ng bala at saksak sa iba’t ibang bahagi ng kanyang katawan .

Sinasabing madalas na may nagrereklamo sa biktima dahil sa pagiging ‘siga-siga’ nito at panggugulo sa kanilang lugar lalo na sa tuwing ito ay nakainom ng alak at lasing.

Sinabi ni Valeros na posibleng ginantihan ang biktima ng maraming galit sa kanya at nakakabang- ga nito sa kanilang lugar.

Gayunpaman, nagsasa­gawa pa ng masusing im­bestigasyon ang mga awtoridad upang mabatid ang tunay na motibo ng krimen at madakip ang mga salarin.