Konduktor kinuyog ng salisi gang dahil sa titig
MANILA, Philippines – Isang konduktor ang nasa kritikal na kondis-yon matapos itong saksakin at pagtulungan gulpihin ng isang grupo ng salisi gang dahil tinititigan ng biktima ang mga suspek sa posibleng gagawin nilang panghoholdap sa mga pasahero ng isang bus kamakalawa ng gabi sa Pasay City.
Ginagamot ngayon sa San Juan de Dios Hospital si Delmar Awit, 20, binata, ng Barangay Guyong Santa Maria, Bulacan, na nagtamo ng tatlong saksak sa ibat ibang bahagi ng katawan.
Nagsasagawa na ng follow-up ang pulisya at inaalam na ang pagkakakilanlan ng mga suspek.
Ayon kay Police Chief Insp. Rolando Baula, hepe ng Station Investigation Detective Management Branch (SIMB), Pasay City Police, naganap ang insidente alas-11:50 ng gabi sa loob ng Precious Grace Bus Line habang bumabagtas sa southbound lane ng Ma-libay flyover sa naturang lungsod.
Nabatid na konduktor sa naturang bus ang biktima at biglang sumakay ang isang grupo ng mga kalalakihan at kaagad na kinutuban si Awit na grupo ito ng salisi gang, dahil naghiwalay-hiwalay ang mga ito ng upuan.
Dahilan upang titigan ni Awit ang posibleng gagawing panghoholdap ng grupo.
Subalit nagalit ang mga suspek at pinagtulungan nilang gulpuhin ang bikti-ma at hindi pa nakuntento, inundayan pa nila ito ng saksak at pagkatapos ay mabilis na nagsitakas.
Mabilis namang isinugod ng mga pasahero ang biktima sa naturang ospital.
- Latest
